Mishon di CKB ta pa desaroya i ekipá nan mes ku servisionan klave dirigí riba empresanan mikro i chikí pa asina CKB por logra di bira un sentro ku por sostené su mes:

CKB kier lográ e siguiente metanan:

• Pa duna entrenamentu, servisionanan di konsulta i sosten na empresanan mikro i chikí riba un base kontinuo;
• Subi e kalidat di e nèt di konseheronan (organisashon) ku ta duna servisionan di sosten i entrenamentu na CKB.
• Promové i mehorá huntu ku gobièrnu e kader di trabao (strategia i reglanan) pa empresarionan mikro i chikí.

Ku ayudo di SESNA (Small Enterprise Stimulation Netherlands Antilles) i ku asistensia di konseheronan di SESNA, CKB a logra di bira un instituto profeshonal ku ta duna servisionan di konsulta i entrenamentu na nivel altu ku ta komparabel ku empresanan internashonal ku ta spesialisá riba e tereno di maneho di empresanan i servisionan di konsulta. CKB tin koloborashon ku un grupo amplio konsistiendo di konseheronan di SESNA i otro entrenadornan. CKB tin un reputashon ekselente serka bankonan. E relashon di trabao aki ta basa riba konfiansa, profeshonalismo i komprendementu mutuo.

CKB su grupo ku e ta enfoká riba dje ta primeramente e empresanan mikro i chiki i e entreprenùr ku ta bai kuminsa su propio negoshi. CKB a krese i bira un instituto ku ta konsistí di un staf kualifiká i ku hopi bon reputashon. Ku e desaroyo positivo aki CKB ta awor den e posishon pa envolví su mes den otro proyektonan manera e Prome Konferensiá di Invershon na Boneiru.

Tim di Maneho di CKB su meta ta pa duna servisionan konsultativo na 331 empresanan mikro i chikí riba un termino di sinku aña. Mas aleu CKB tin komo propósito pa duna servisio na 150 klientenan di empresanan  mikro i chikí. Konseheronan ku tin un kontrakto di trabao liber ku CKB lo ofresé e servisionan. E intenshon ta pa entrená rondo di 1010 empresanan mikro i chikí. En total 202 grupo lo mester wordu entrena konsistiendo di por lo menos 5 empresario mikro i chikí atraves di sinku aña. CKB kier konserva e 300 kuponan di trabao ku tin eksistente den e sektor micro i chiki i krea 60 kupo di trabao mas acerca riba un termino di sinku aña.

 E invershon total i presupuesto finansiero di CKB tabata Nafls. 985,140.

Gobiernu a reserva Nafls. 150,000 pa aña riba un periodo di sinku aña. E ekseso di e montante tin di aber ku e gastunan di preparashon ku mester a wordu hasi prome ku CKB a bira operashonal. CKB tabata wardando riba SESNA pa kaba di kompleta e presupuesto. E gastunan operashonal a wordu kalkula mas haltu. A antisipá ku e deficit di CKB su gastunan di operashon lo por ta menos ku loke a keda reserva for di e fondonan di gobiernu. E konklushon aki a wordu basa riba e resultado di e entradanan di EDF i MSE.  Repartishon konhunto di e gastunan di servisionan di konsulta, entrenamentu i guia di empresarionan ku CKB ta ofrese kitando e gastunan di operashon lo a baha esaki. Informashon mas extenso riba e gastunan di operashon i invershon ta disponibel den e sekshon anex 3. Gerente diario a propone pa usa e  exceso “surplus” komo un provishon riba un kuenta separa di CKB ku por wordu usa den futuro pa emplea mas hende na CKB.

Tumando e mishon di CKB na konsiderashon nos tin ku konklui ku no por spera di CKB ku e lo bira un instituto finansieramente independiente. E meta prinsipal ta di asisti empresanan mikro i chiki pa asina nan por bira empresanan eksitoso ku lo por kontribui na e desaroyo ekonomiko di Boneiru.

Bai bek ariba